POEM: OGA PANEL BEATER by Habeeb Damilare Ajinifesin

 Oga Panel Beater

Twale baba o, oga panel beater

I be hear say ur hand de transport pipu go hospita

Even as e be say engineering na ur discipline

U get one kain talent for face-disfiguring

Oga panel

I be even hear say u be painta

Say with blood,u fit paint woman face wella

Say like soaked garri

U fit increase fat for person bodi

<script async src="https://pagead2.googlesyndication.com/pagead/js/adsbygoogle.js?client=ca-pub-9394274132319072"
     crossorigin="anonymous"></script>
<ins class="adsbygoogle"
     style="display:block"
     data-ad-format="fluid"
     data-ad-layout-key="-ew-1c-3l-g+lo"
     data-ad-client="ca-pub-9394274132319072"
     data-ad-slot="1731218212"></ins>
<script>
     (adsbygoogle = window.adsbygoogle || []).push({});
</script>

Oga Panel

I be hear say u de box pass Bash Ali

Martial art and every fighting skills na all u sabi

Say where u de dem no born Anthony Joshua.

Amaka wey refuse ur call na small e remain make u kill her

Oga Panel

I hear say even Jennifer wey de manage for ur place

One night u con vex dismantle her face

Just say she no gree make u nak am

U paint her face, na every bodi de pity am

Oga Panel

No vex o i wan quick yarn something

why no kuku use dat talent for boxing

Instead to de beat beauty babes like rain

U fit kukuma de hit panel of muscles and train.

Habeeb Damilare Ajinifesin is a Nigerian poet,a native of Kwara state. He is an undergraduate of accountanncy in the university of science and applied management, Benin republic.